Programs

கிளை நூலக கூடுதல் கட்டடம் திறப்புவிழா:

நூலக கட்டடம் ஒரு வழியாக திறந்து வைக்கப்பட்டது. சிறப்பான விழாவாக நடத்தலாம் என்று இருந்தோம். ஆனால் சூழ்நிலை கருதி எளிமையாக நூலகம் திறந்து வைக்கப்பட்டது. 

சட்ட மன்ற உறுப்பினருக்கு நன்றி:

நூலகத்திற்கு நிதி ஒதுக்கிய சட்டமன்ற உறுப்பினர் திரு. ஆ. கோவிந்தசாமி அவர்களுக்கும், இந்த கட்டடம் கட்ட நிதி ஒதுக்க உறுதுணையாக இருந்த சந்தோஷ், சபியுல்லா  முதலானோருக்கும் என் நன்றியை தெரிவித்துக் கொள்கிறேன். மேலும், பழுதடைந்த பழைய கட்டடத்தை இடிக்க தடையின்மைச் சான்றிதழ் இரண்டு வாரத்தில் வாங்க பல வகையில் உதவி செய்த ஓய்வு பெற்ற வட்டார வளர்ச்சி அலுவலர் கே.ஆர். அப்பாவு, பொறியாளர் கணேசன் பிள்ளை ஆகியோருக்கும் என் நன்றியைத் தெரிவித்துக் கொள்கிறேன்.

குளிர்சாதன வசதி: புதிய நூலக கட்டடம் கட்ட ஒதுக்கப்பட்ட நிதி ரூபாய் 20 லட்சம். இந்த தொகையில் நூலகத்திற்கு ஆழ்துளை கிணறு அமைத்து, இரண்டு அடுக்கு கட்டடம் கட்டுவது என்பதாகும். குளிர்சாதன வசதி இந்த மதிப்பீட்டில் இல்லை. நூலகத்திற்கு குளிர்சாதன வசதி ஏற்படுத்தித் தர சட்ட மன்ற உறுப்பினர் ஆர்வம் காட்டினார்.   கட்டடம் கட்டி முடித்ததும், குளிர்சாதன பெட்டிகள் வாங்க quotation வாங்கி தருமாறு சட்ட மன்ற உறுப்பினர் ஒப்பந்தாரரிடம் கேட்டார். ஒப்பந்ததாரர் என்னிடம் எத்தனை குளிர்சாதன பெட்டிகள் தேவை என்று கேட்டார்.  கடத்தூர் கிளை நூலகத்திற்கு குளிர்சாதன வசதி தேவையில்லை  என்று நான் கூறிவிட்டேன். காரணம், குளிர்சாதன வசதி செய்தால் மின்கட்டணம் ரூ. 15 ஆயிரம் வரும். கடத்தூர் கிளை நூலகத்திற்கு மின்கட்டணம் செலுத்த அரசு  ஒதுக்கியுள்ள நிதி இரண்டு மாதத்திற்கு ரூபாய் ஆயிரம் மட்டுமே. மீது 14 ஆயிரத்திற்கு எந்த வாசகரிடம் நான் கேட்க முடியும்? அதனால்தான் குளிர்சாதன வசதி தேவையில்லை என்று கூறிவிட்டேன். 

ஒப்பந்ததாரர்களுக்கு நன்றி:

மதிப்பீட்டில் கொடுக்கப்பட்டுள்ள அளவை விட ஒரு அடி தரையை உயர்துமாறும், பழைய கட்டடத்தை இணைக்க வசதியாக காங்கிரீட் போட்டு கதவு வைத்துத் தருமாறும், புதிய கட்டத்தை சுற்றியும் சிமெண்ட் தரை போட்டுத் தருமாறும் நான் வைத்த கோரிக்கையை ஏற்று, அவற்றை செய்து கொடுத்த ஒப்பந்ததாரர் திரு. பி. சின்னசாமி அவர்களுக்கு என் நன்றியை தெரிவித்துக் கொள்கிறேன்.

நன்கொடை வழங்கியோர்க்கு நன்றி:

இரண்டு கட்டடங்களுக்கும் இணைப்பு ஏற்படுத்தியது, பழைய கட்டடத்தின் உட்புறமும் வெளிப்புறமும் வண்ணம் தீட்டியது, நூலக கட்டடத்தின் பின்புறம் பத்தடி நீளத்திற்கு காம்பவுண்ட் சுவர் கட்டியது, நூலகத்தின் முன்புறம் கேட் வைத்து கம்பி வேலி அமைத்தது ,  சாய்தளம் அமைத்தது, பழைய தளவாடங்களை புதுப்பித்தது, கணினி டேபிள் பெஞ்ச் வாங்கிது, குடிநீர் சுத்திகரிப்பு கருவி பொருந்தியது போன்ற பல்வேறு பணிகள் கடந்த சில மாதங்களாக செய்து வந்தோம். இன்று வரை சுமார் 90 ஆயிரம் செலவு செய்து இருக்கிறோம். இன்னும் சில பணிகள் செய்ய வேண்டியுள்ளது. இதற்கெல்லாம் தேவையான நிதி  நன்கொடையாளர்கள்  மூலம் பெறப்பட்டது . தாராளமாக நிதி வழங்கிய  அனைவருக்கும் என் நன்றியை தெரிவித்துக் கொள்கிறேன். 

வாசகர் வட்ட நிர்வாகிகளுக்கு நன்றி:

இவ்வளவு பணிகளையும் செய்து முடிக்க என்னோடு இணைந்து பணியாற்றிய வாசகர் வட்ட தலைவர் மருத்துவர் சந்திரசேகரன், பொருளாளர் மலர்வண்ணன், நெடுமிடல், கே.டி.முருகன், மகாலிங்கம், ராதாகிருஷ்ணன் உள்ளிட்ட வாசகர் வட்ட நிர்வாகிகள் அனைவரும் என் நன்றியைத் தெரிவித்துக் கொள்கிறேன்.

பத்திரிக்கையாளர்களுக்கு நன்றி:

நூலகத்தில் நடைபெறும் அனைத்து நிகழ்வுகளையும் செய்திகளாக மக்களிடம் அவ்வப்போது கொண்டு சேர்த்தது வரும் பத்திரிகை நிருபர்கள் அனைவருக்கும் என் நன்றியைத் தெரிவித்துக் கொள்கிறேன்.

மாவட்ட நூலக அலுவலருக்கு நன்றி:

கடத்தூர் கிளை நூலகத்தின் மீது மிகுந்த அக்கறை கொண்டு அவ்வப்போது நல்ல பல ஆலோசனைகளை வழங்கிய இந்நாள் மற்றும் முன்னாள் மாவட்ட நூலக அலுவலர்களுக்கும் என் நன்றியைத் தெரிவித்துக் கொள்கிறேன்.

_ சி. சரவணன், நூலகர்,

 கிளை நூலகம், கடத்தூர்.